For All Major Home Appliances
Анодолу их сургууль
Erasmus+ хөтөлбөрийн хүрээнд ОИС нь БНТУ-ын Анадолу Их сургуультай 2017 онд хамтын ажиллагааны гэрээ байгуулсан ба уг гэрээний хүрээнд 2018, 2019 онд ОИС-ийн 8 багш, удирдлага Анадолу Их сургууль дээр ажиллаж, 2018 онд Анадолу Их Сургуулийн 2 багш ОИС-д ажилласан. Мөн энэ хичээлийн жилд ОИС-ийн ЭЗБУС-ийн 2 оюутан Анадолу Их сургууль дээр солилцооны хөтөлбөрт тэтгэлэгтэйгээр хамрагдсан.
Кодолани их сургууль
Орхон Их Сургууль нь Бүгд Найрамдах Унгар Улсын Кодоланьи Яаношын нэрэмжит их сургуультай (Kodolanyi Janos University) хамтран Европын холбооны ERASMUS+ хөтөлбөрийг хэрэгжүүлж, оюутнуудаа гадаадын их сургуульд нэг улирал суралцах боломжийг олгож байна. 2022 оны 8 сар – Хууль зүйн салбар сургуулийн оюутан О. Намуунаа, Б. Норжүмаа нар тус хамтын ажиллагааны хүрээнд 2022-2023 оны хичээлийн жилийн эхний улиралд Кодоланьи их сургуульд нэг улирал суралцаад ирлээ. 2023 оны 9–12 сар – Хууль зүйн салбар сургуулийн оюутан О. Анужин мөн тус хамтын ажиллагааны хүрээнд 2023-2024 оны хичээлийн жилийн эхний улиралд амжилттай суралцсан юм.
Абай Нурзахметовын нэрэмжит Кокшетау их сургууль
Орхон их сургууль нь Какакстаны Абай Нурзахметовын нэрэмжит Кокшетаугийн их сургуультай 2024.11 сараас хойш хамтран ажиллах санамж бичигт гарын үсэг зурсан. Уг санамж бичгийн хүрээнд багш, оюутан солилцоо, эрдэм шинжилгээний бүтээл солилцох, мөн Кокшетау их сургуулийн эрдэм шинжилгээний сэтгүүлд өгүүлэл хэвлүүлэх нөхцөл бүрдсэн.
Чэжүгийн үндэсний их сургууль
Орхон их сургууль Чежүгийн үндэсний их сургуультай 2023 онд хамтын ажиллагааны гэрээ байгуулсан. Тус гэрээний хүрээнд Чежүгийн үндэсний их сургуультай оюутан, багш солилцоо, эрдэм шинжилгээний бүтээл хэвлүүлэх боломжтой болсон.
UMAP-Ази, Номхон далайн их сургуулиудын холбоо
Association of Universities of Asia Pacific буюу Ази Номхон Далайн Их Сургуулиудын холбоо нь ЮНЕСКО-ийн дэмжлэгтэй үүсгэн байгуулагдсан бөгөөд 180 гаруй сургуулиудыг эгнээндээ нэгтгэсэн холбоо юм. Холбооны гишүүн сургуулийн хувьд гишүүн сургуулиудтай оюутан солилцооны хөтөлбөрт хамрагдах боломжтой байдаг.
.jpg)
Евро-Азийн сан
Орхон их сургууль нь Евро-Азийн сантай хамтран ажилладаг. 2024-2025 оны хичээлийн жилийн II-р улиралд Евро-Азийн сантай хамтран "Азийн нийгэмлэг" сургалтыг амжилттай зохион байгуулсан юм.
.webp)
Эрасмус
Европын холбооны Erasmus+ төслийн хүрээнд БНТУ, БНУУ, Итали, Австри зэрэг Европын орнуудын хамтын ажиллагааны гэрээтэй сургуулиудад сургалтын төлбөр, замын зардалын тэтгэлэгт хамрагдахаас гадна сар бүр Euro 800 тэтгэлэгтэйгээр суралцах боломжийг олгодог.
Ану-ын Миссури мужийн их сургууль
АНУ-ын Миссури мужийн Их Сургуультай 3+2 хэлбэрээр бакалавр, магистрын зэргүүдээ Миссури Их сургуульд хамгаалах, бакалавр, магистр, докторын зэргийн хамтарсан судалгаа хийх, солилцооны хөтөлбөрт хамрагдах, хамтарсан төсөл хөтөлбөрт хамрагдах боломжтой болсон
БНХАУ-ын Анхуй Шинхуа
Орхон их сургууль нь Анхуй Шинхуа их сургуультай 3+1, болон 2+2 хамтарсан хөтөлбөр хэрэгжүүлдэг.
БНХАУ-ын Сиас олон улсын их сургууль
БНХАУ дахь Америкийн SIAS-Олон Улсын Их Сургуулийн 2+2 хамтарсан хөтөлбөрөөр оюутан солилцооны гэрээгээр хос дипломтой төгсөх боломж нээгдсэн ба 2019 онд 5 оюутан хамрагдсан
БНХАУ-ын "Beijing Capital Normal" их сургууль
БНХАУ-ын бээжингийн багшийн их сургуультай 2023 оны 12 сараас эхлэн хамтран ажиллаж байна. .
ОИС нь гадаадын 20 гаруй их дээд сургууль, жишээ нь АНУ, БНСУ, ОХУ, БНХАУ, БНЭУ, Турк улсын их, дээд сургууль, мэргэжлийн холбоо, эрдэм шинжилгээний байгууллагуудтай олон талт хамтын ажиллагааг хөгжүүлж ажиллаж байна.
Солилцооны оюутан сонгон шалгаруулах зар
